lundi 29 avril 2013

UNION NATIONALE DES ETUDIANTS CORSES – U.N.E.C. (Unione Naziunale di i Studianti Corsi)

-->
U 18 di lugliu di u 1962, in Vivariu, si crea l'Union Nationale des Etudiants Corses- U.N.E.C. (Unione Naziunale di i Studianti Corsi). Ist’associu ùn hè altru chè l’allarghera di l’Association des Etudiants Corses de Paris (A.E.C.P.) (Associu di i Studianti Corsi di Parigi) creata u 4 di ferraghju di u 1962.

Oghjettivi, rivendicazione è azzione prime :

- l’adunita di  i 7 associi di studianti Corsi (Parigi, Ecchisi, Nizza, Marseglia, Monpellieri, Lione, Caen).
- a necessità d’ingaghjà un’azzione sindicale è rivendicativa cagione à l’inesistenza di un’ Università in Corsica.
L’associu hè cumpostu di studianti è d’anziani studianti  di  e 7 accademie.
Per a sparghjera di e rivendicazione  è di e varie azzione intraprese l’associu  hà cum'è puntellu u ghjurnalettu d'essezza regiunalista : L'UNION CORSE.

U modu di funziunà hè :

- Seduta di un Cungressu o adunata è di un’Assembleia Generale annuale. Iss'assembleie si sò tinute : u 18 di u lughju di u 1962, l'11 di l'aostu di u 1963 è u 9 di l'aostu di u 1964.
- Ognunu di i 7 accocii si primureghja di e varie attività lucale.
- L’urganismu  di l’U.N.E.C. chì hà u pudere di decisione hè u Scangu Direttore cumpostu di 2 riprisintanti di ciascunu di i 7 associi.

Ughjettivi, rivendicazione è azzione prime :

- Da u puntu di vista sindicale: creazione di un’università in Corsica è preservazione di l’interessi di i studianti corsi.
- Da u puntu di vista puliticu: indiatura è evuluzione ver di e pruposte regiunaliste (sviluppate da u C.O.E.A. di Robert Lafont). Pruposte  allisciate è purfinite à l’occasione di a tinuta di e duie « Congrès de la Jeunesse Corse » - Adunite di a Ghjuvintù Corsa - di u 1963 è u 1964.
- Ottenimentu, per i studianti, di borse di studii, di travaglioli mumentanei, di camera in cità universitarie…
- Elaburazione di un raportu chjaru è cumplettu nantu à l’università di Corsica.
- Urganizazione di « Tables Rondes » cun l’eletti è i puderi publichi… per l’avvene di l’università.
- Urganizazione di cunferenze culturale cun priurità à a Storia di a Corsica.
- Urganizazione di un Centre prè-universitaire (Centru Preuniversitariu) in Tattô 1965.
- Participazione à u Comité Régional pour l’Abstention (Cumitatu Regiunale per astinimentu)  à l'ezzione prisidenziale di u 1965.
- Inviu di delegazione di sustegnu à i minatori di Canari, à l’agricultori di a piaghja urientale…
Prugressivamente istu sindicatu di stidianti piglia un’indiatura di un muvimentu puliticu regiunslistu è parchji membri seranu i capimachja  pulitichi di i muvimenti regiunalisti corsi.

E persone e più fattive sò :

- Dumenicu Alfonsi, fondatore è presidente sinu à u ferraghju di u 1965.
- Lucianu Felli, sercretariu generale in u 1964, è présidente da ferraghju à aostu di u 1964.
- Natale Pantalacci, membru di u Scagnu Direttore in u 1962, è presidente  da aostu di u 1965 à aprile di u 1966.
- Ghjulia Baldacci, Anghjulu Pierrazzi, Ghjuvanni Geronimi, Ghjiseppu Filippi, Arrigu Groult…

À tene à mente qualchì data assignalata :

- l’11 di l'aostu di u 1963 : Primu Congrès de la Jeunesse Corse (Cungressu di a Ghjuventù Corsa) urganizatu à u Palazzu Naziunale di Corti da l’U.N.E.C.
- u 21 di l'aprile di u 1964 : « Table Ronde » Tavula Tonda per pone è risolve i prubulemi di l’insignamentu di u Corsu urganizata in Aiacciu da l’U.N.E.C.
- u 9 di l'aostu di u 1964 : Secondu Congrès de la Jeunesse Corse (Cungressu di a Ghjuventù Corsa) cun impegnu, frà altru, d’esse prisente in e lotte  rivendicative, pulitiche specifiche à a Corsica.
- u 7 di u maghju di u 1965 : dopu  chì una delegazione si sia resa in Canari per sustene i minatori, l’U.N.E.C è l’U.C.A. urganizeghjanu un’adunata in a sala di a Mutualità in Parigi.
- u 12 di l'aostu di u 1965 : Dirotta in Aiacciu, u muvimentu s’addibulisce é piglia fondu.
- i 5 è 19 di u dicembre di u 1965 : participazione à e manifestazione cù u Comité Régional Corse pour l’Abstention, (Cumitatu Regiunale per l'astinimentu) à l'elezzione presidenziale di u dicembre di u 1965.

Aucun commentaire:

Enregistrer un commentaire