PARTI CORSE POUR LE PROGRÈS - P C P PARTITU CORSU PER U PRUGRESSU (Aostu di u 1970-ghjugnu di u 1974).

-->

U 4 di l'aostu di u 1970 si crea in Aiacciu le Parti Corse pour le Progrès : U Partitu Corsu per u Progressu (P C P). L'insticatore ne hè Dumenicu Alfonsi.

Cagione à u succesu à l'elezzione cantunale d'Aiacciu di l'8 è u 15 di u marzu di u 1970, Dumenicu Alfonsi ùn pudia tenesi à istu dettu « Passatu u Santu, Finita a Festa » è fù in oblicu di creà una struttura pulitica per purtà à bonavia e prumesse è e rivendicazione sviluppate mentre a campagna eletturale è à e quale centinaie di personne ci avianu aderitu.

Issa struttura o partitu, da ellu stessu qualificatu di « Parti de Conjoncture » Partitu di Cunghjuntura, circunscrittu à u rughjone aiaccinu, Calvi è Pruprià, à u principu hè cumposu  da un'uttantina d'aderenti-neguzianti, funziunarii, uperaii, artigiani,agricultori... prestu rinfurzatu da un stolu di persone di e varie classe suciale.

Par fassi cunnosce  è fà cunnosce e so rivendicazione u partitu urganizeghja varie accolte publiche è hà campapertu in u ghjurnalettu - Inter-Corse - direttu da Dumenicu Alfonsi.

U Modu di Funziunà hè :

   - Un cunsigliu puliticu cumpostu da 45 membri.

   - Un scagnu cù una direzzione cullegiale da 5 membri.

Ughjetti, Rivendicazione è Azzione Prime :

  - Sustegnu à tutta azzione rivendicativa propria à a difesa di l’interessi murali è materiali di a Corsica :

  - Salvamentu di u sopravvita  di l'etnia corsa.

  - Salvamentu di l'ambiente, inseme di l'elementi fisichi, chimichi, biologichi, naturali o artificiale chì circondanu l'omu, a fauna, a flora.

  - Prisenza di liste à ogni elezzione municipale, cantunale, legislative.

  - Istituzione di a Corsa in Regione cun misure specifiche per u suciale, u culturale, l'ecunomicu, l'agriculu, u finanziariu,u turisticu,demugraficustradale…

  - Sforzu maiò per i trasporti maritimi è aerii;

  - Da u 1973, dopu a Chjama di u Castellà, lotta per un statutu d'autonumia interna chì tenga contu di e varie rivendicazione sviluppate da a Chjama.

Perchì u puliticu naziunale è lucale, l'amministrazione naziunale è lucale tengimu contu isse rivendicazione varie azzione sò intraprese:

  - Adunite pulitiche per a sparghjera è e spiagazione rilative à tale o talaltra azzione.

  - Impegni è iniziative à lotte intraprese da:muvimenti socioprufessiunali,  cummercianti, agricultori, osteriaghji...

  - Parcicipazione attiva a u slanciu di a Chjama.

  - Participazione à u Cullettivu di u muvimenti autonumisti sucialisti corsi creati a u vaghjime di u 1973.

  - Participazione cun canditati proprii à l'elezzione municipale in u 1971, à l'elezzione cantunale è legislative in u 1973.

 E Persone e più fattive :

  - Dumenicu Alfonsi fundatore è primu aminatore di u muvimentu.

  - Guigliermu Leca è Felice alfonsi.

  - Ghjiseppu Cantara, Paulu Casalonga, Ghjiseppu Istria, Ghjanliveru Sauli (membri di a prima direzzione cullegiale.

 

À Tene à Mente Qualchì Data Assignalata :

  - U 14 di u marzu di u 1971 : elezzione municipale, Dumenicu Alfonsi hè candidatu in Aiacciu;

  - U 4 di u marzu di u 1973 : elezzione legislative, Dumenicu Alfonsi hè candidatu autonumistu in a circunscrizzione Aiacciu Calvi.

  - U 4 di l'aostu di u 1973 : Participazione in Corti à a creazione di u « Front Régionaliste » Fronte Regiunalistu.

  - U 23 di u sittembre di u 1873 : elezzione cantunale, nove candidati sò prisenti in nove cantoni.

  - U 22 è u 23 di l'aprile di u 1973 : Neguziazione trà u F.C.P., u P.P.C.è l' « Union de la Patrie » Unione di a Patria per dà  appoghju à u sucialistu, Francescu Mitterand, candidatu à l'elezzione presidenziale.

  - À u lugliu di u 1974 : u P.C.F è u P.P.C.si scioglienu in un solu partitu : U Partitu di u Populu Corsu pè l'Autonomia (P.P.C.A.).