FEDERATION DES ETUDIANTS CORSES - F.E.C. (Sud-Est) FEDERAZIONE DI I STUDIANTI CORSI - F.E.C. (Sudest o Sciloccu)

-->

U 23 di u marzu di u 1969 si crea in Nizza a « Fédération des Etudiants Corses - F.E.C.» Federazione di i Studianti Corsi.

L'insticatori ne sò i studianti Corsi chì, da assai, si sò avvisti chì  i nostri eletti lucali, e moltu più u guvernu, si primuranu pocu è micca di a ghjunventù studiantesca corsa  chì campa, cagione à u mancu di un'università in Corsica, in e cità universitarie di Nizza, Marseglià, Ecchisi...

U scopu hè di rivittulì u cumbattu di e rivendicazione mosse,anni fà, da « L'Union Nationale des Etudiants Corses - UNEC et de L'Union Corse Avenir - UCA) l'Unione Naziunale di i Studianti Corsi è l'Unione Corsa-Avvene chì si scioglienu è s'aduniscenu à altri muvimenti regiunalisti per creà  , in u slanciu di  l'adunata di l' « Assises Régionalistes de la jeunesse Corse » Assise Regiunaliste di a Ghjuventù Corsa, u 31 di u lugliu di u 1966 in Corti,  u « Front Régionaliste Corse – FRC » Fronte Regiunastu Corsu - FRC è dalli i puderi per stabilì i Statuti è custituì un « Comitè Directeur » Cumitatu di Direzzione.

A creazione di a federazione hè iniziata da l'ARC per mubilizà a ghjuventù studiantesca.

Paulu Patriarche, cun alte funzione amministrative à l'università di Marseglia, hè à latu  à i studianti per dalli un colpu di manu.

In pocu tempu e mentalità di i studianti sò cambate.U regiunalismu, per a maiò parte, in hè più di moda.Ne simu a e premizie di u Naziunalismu è i studiante ùn volenu più esse i tenistaffa di qualsiasi.Sò elli chì patiscenu, sò grandi è maiò per fà cunnosce i so tribuli è per purtà a bonavia e so ghjuste rivendicazione.

 I membri di u primu scagnu elettu, u 23 di u marzu di u 1969, sò, per a maiò parte, affiliati à l'ARC, pulitizati è portaparulla di u muvimentu.Si face chì à u cungressu di u 29 di u nuvembre di u 1969 una  magiurità « Naziunalista » dura face rimproveri à i membri di u scagnu, i mette in minurità è piglia e retine di a federazione cun listesi è altri ughjettivi più fermi è più emancipati.Si face chì lughjettivi è e rivendicazione prime mutanu, ùn s 'agisce più di creazione di un'università automona è di piglià in contu i tema regiunalisti.

Per a sparghjera di e so rivendicazione è azzione parisce in u ferraghju di u 1969, u ghjurnalettu, Basta Cusì.

U Modu di Funziunà hè :

A Federazione di i Studianti Corsi (FEC) hè retta da e lege di u primu di u lugliu  di u 1901 rilativa à tutt'associu, federazione...

- Un scagnu di 16 membri eletti da l'Assembleia Generale chì si tene ogni annu

-2 sezzione : una in Nizza, a più pudente è a più fattiva, è l'altra in Marseglia Ecchisi.

- Un Consigliu d'Amministrazione di 60 membri. In un primu tempu à maiò parte di i membri sò à l'univerità di Nizza postu chì quelli di Marseglia Ecchisi ùn raghjunghjenu  a federazione ch'è qualchì tempu dopu.

Ughjettivi, Rivendicazione è Azzione Prime :

- Priurità per l'attribuzione di camere universitarie.

- Aiutu à i studianti per i trasporti, manghjusca.

- Creazione in Corsica di un primu ciclu universitariu.

- Creazione di un Institutu Universitariu di Tecnolugia (IUT) cun sezzione specifiche chì, à cortandà, darianu travagliu à l'es studianti cuncernati è permetterianu un sviluppu di l'ecunumia corsa cù i Corsi è pè i Corsi.

- Ricunnuscenza di u Corsu cum'è lingua, regiunale (A lege Deixonne di u 1951 rilativa à e lingue regiunale hà scartatu u Corsu da lingua regiunale l'applicazione di ista lege per a Corsica ùn serà vutata chè in u 1974).

- Per a sparghjera di e so rivendicazione è di e so azzione varie adunite publiche sò urganizate.

- Stabilimenti amministrativi, retturatu, osterie universitarie..., sò occupati da i studianti.

E Persone e più fattive sò :

- Michele Castellani, Ghjuvanni Filippi, Paulu Nebbia, Francescu Poli, Ghjuvandumenicu Poli, Ghjuvanpetru Rousseau, Alanu Spadoni,Vincente Stagnara, Ronciconi, eccetara. A maiò parte membri eletti da l'assembleia generale di u 23 di u marzu di u 1969.

- Petrughjuvanni Dellavalle, Ghjacumu Fiamma, Geraldu Leca, Lisandru Pangrazi... membri eletti da l'assembleia generale di u 29 di u nuvembre di u 1969 è chì danu un'indiatura dura  à a federazione verdi u « naziunalismu »  ostile à un'università corsa autonoma è senza nisun cumprumessu cù  u muvimentu regiunalistu.

À Tene à  Mente Qualchì data assignalata :

- U 23 di u marzu di u 1969 : In Nizza, Cungressu cunstitutivu di a Federazione di i Studianti Corsi.

- U 20 di l'aprile di u 1969 : Occupazione in Nizza da i stidianti corsi di l'osteria universitaria.

- U 20 di u maghju di u 1969 : Occupazione in Nizza da i studianti corsi di u retturatu.

- U 29 di u nuvembre di u 1969 : In Nizza, secondu cungressu di a federazione di i studianti Corsi cun elezzione d'un scagnu di tendenza UNEF-Renouveau chì dà à  a FEC una indiatura « naziunalista ».

- U 17 di u ghjennaghju di u 1970 : In un'accolta di l'ARC à a Cità Universitaria di Nizza, Edimondu Simeoni hè viulentamente cuntestatu da i studianti di a FEC di tendenza « cumunista ».

- U 5 di u dicembre di u 1970 : Terzu cungressu di a federazione di i studiante corsi, Ghjacumu Fiamma hè elettu presidente.