CORSE LIBRE (1967-1969) CORSICA LIBERA

-->

A creazione di Corse Libre - Corsica Libera da Stefanu Pierotti, direttore di una sala di cazzuttate è caffiteru in Bastia, si saria fatta à u vaghjine di u 1967. Ma in Corsica a spannata « ufficiale » di issu muvimentu clandestinu ùn si face cunnosce chè a veranu di u 1968.

Secondu a stampa di l'epica i scopi sarianu varii è cuntrarii. Certi accertanu chì u muvimentu ùn saria chè per sdanarà à prò soiu ghjente è imprese ciò chì si svelerà falzu postu chì un vechju militante, fendu da sè, cuntinuò à plasticà  ancu dopu a creazione, u 5 di u maghju di u 1976, di u F.L.N.C.. Altri pretendendu chì e mutivazione sarianu pulitiche cun rivendicazione lucale precise è sincere, è eranu in u veru.

Issu muvimentu clandestinu cumpostu da una duzina di membre di u rughjone bastiacciu, a maiò parte d'urigene taliana, avia pocu è micca audienza populare.

U modu di funziunà hè :

- Pocu cunnusciutu.

- U scagnu cumpostu da stefenu Pierotti cun a maiò parte di l'individui chì facianu parte di u muvimentu.

Ughjettivi, rivendicazione è azzione prime :

- Accessione di a Corsica à l'indipendenza per pude gode di a più bella di e libertà.

- Difesa di l'interessi corsi.

- Sviluppu autonomu di un benistà suciale, ecunomicu, culturale...

- Urganizazione è attentati cun esplusivi plastichi di stabilimenti publichi è lucali amministrativi in Bastia è Aiacciu.

- Scritte nantu à scialbi, lastre, strade...

- Sparghera di foglii di prupaganda:

- Diffusione di cumunicati in a stampa.

 E persone e più  fattive sò :

- Stefanu Pierotti, fundatore di u muvimentu.

À tene à mente qualchì data assignalata :

- U 26 di u maghju di u 1967 : Gran arrubbecciu di esplusivi in  u Borgu.

- À l'estate di u 1968 : Apparizione di u sigla « Corse Libre - Corsica Libera » è sparghjera di foglii di prupaganda.

- À l'uttobre è u nuvembre di u 1968 : U muvimentu rivindicheghja 7 attentati à l'esplusivi.

- U 13 è u 14 di u nuvembre di u 1968 : 12 membri di u muvimentu sò arrestati. Saranu perdunati à u ghjunghju di u 1969.

- À u marzu di u 1969 : Corsica Libera cundanna u testu referendariu rilativu à u statutu di a Corsia.

- L'8 di l'aostu di u 1969 : lettera aperta di Stefanu Pierotti à u Presidente di a Republica.

- U 27 di u sittembre di u 1969 : Stefenu Pierotti, incarceratu da mesi, hè liberatu dopu u so greva di a fame (u so smessu di manghjà).